اسم الموقع هو اول خطوة في البراندج الخاص بموقعك او مشروعك . واختيار الاسم بشكل صحيح في البداية سيوفر عليك عقبات كثير ممكن تقابلها في المستقبل.
سعر الدومين العادي حوالي 12 دولار سنويا
عندما تحجز دومين جديد .. بياناتك الخاصة زي اسمك و عنوانك و رقم تليفونك بتكون معروضة للجميع .. اي حد يقدر يشوفها باستخدام خدمات مجانية
اذا كان الموقع لشركة او محل او مشروع .. الافضل ان تترك بيانات الدومين البيانات معروضة للجميع .. سيفيدك هذا القرار في السيو و سيعطي الشركة شكل اكثر احترافية و اكثر شفافية .
انما لو كنت صاحب مدونة او موقع مقالات زي اغلبنا .. فما فيش داعي انك تسيبها معروضه
قم بالتأخد من وجود خاصية Domain Privacy
في شركات بتديلك الخدمة مجانا مع اي دومين زي نيم شيب … و شركات بتاخد تكلفة اضافية بين 3 دولار و 12 دولار
نصيحة اخرى بخصوص حجز الدومين .. الدومين مستند قانوني و ملك شخصي لصاحبه يعتبر به امام القضاء كممتلك رسمي .
لذلك, تاكد انك بتستخدم بياناتك الشخصية و الصحيحة في الدومين عند الحجز .. و بالاخص اذا كان هناك شخص غيرك يقوم بحجز الدومين
لأنه برساله بسيطة لدعم الشركة يستطيع اخد ملكية الدومين بصورة بطاقته اذا كان مسجل باسمه
عرفنا ناخد بالنا من ايه لما نيجي نحجز دومين
قواعد اختيار اسم دومين ناجح لموقعك ؟
حاول ان تحجز اسم دومين يتوفر فيه الشروط التالية .. كلها .. او ما يمكن تنفيذه
[bs_smart_list_pack_start][/bs_smart_list_pack_start]
غير محجوز مسبقاً
ادخل على موقع كشف عن الدومينات .. مثل :
نكتب اي اسم بنفكر فيه .. الموقع هيبحث و يقولنا الاسم ده موجود او محجوز
ياريت لو من كلمة واحدة
من المفترض اننا نختار اسم الدومين للزائر قبل محرك البحث
لو الدومين كلمة واحده .. الزائر هسيحفظه بشكل اسهل
لو هتعرف تلاقي كلمة معروفة و مرتبطة بمجالك يبقى في حد سايبلك دعوة حلوة و ربنا استجاب
انما لو مالقتش تعمل ايه ؟
لو موقعك منفرد و بيقدم محتوى مش متكرر و خاص بيك انت .. ممكن تختار دومين من كلمة واحدة .. و تكون كلمة انت اللي مالفها زي akalny koftawy او اسم ابتكار شخصي يعملك براند محترم زي
صحيح احنا بنستخدم اسم غريب , لكن سهل الحفظ و هيعمل براندج كويس
الاسم يكون قصير قدر المستطاع
لكن لو مش كلمة واحدة ..
ممكن يبقى كلمتين او 3 .. ياريت مايكونش اكثر من كده
الحالة الوحيدة اللي ممكن تستخدم فيها اسم دومين مكون من كلمات كثير و هتبقى ميزة
هي انك عايز تنافس في موسوعة جينيس للارقام القياسية على لقب صاحب اطول اسم دومين و ساعتها هنلاقي حد يتغلب على البطل الحالي :
http://iamtheproudownerofthelongestlongestlongestdomainname
اختار اسم دومين مرتبط بمجالك
عشان تساعد الزائر و محرك البحث انه يفهم محتوى بنتاعك
و ممكن تستخدم كلمة بحثية مهمة في الاسم عشان تربط الدومين بمجال معين او بموقع جغرافي مثلا
يعني لو هتعمل موقع لمطلعمك اللي اسمه kofta
خلي الموقع مثلا kofta food.com
kofta egypt
kofta cairo
يبقى انا دورت على كفته لقيته محجوز .. جربت اربطه بانه موقع اكل فزودت فوود
او جربت احط الدولة او المدينة اللي انا فاتح فيها عشان يبقى ليا اولوية في نتائيج البحث للزائر اللي بيدور على مطعم في منطقتي
استخدام المفردات دي هيساعدني يبقى عندي حلول في حال الاسم الصريح اللي انا عايزه محجوز
اتاكد ان مكانك على السوشيال ميديا فاضي
ممكن تلاقي الدومين اللي نفسك فيه .. وتحجزه وانت فرحان ..
تيجي تروح تعمل صفحة فيسبوك او حساب تويتر او غيره عشان تربطه بالموقع ..
تلاقي ان الاسم اللي انت حجزته موجود على فيسبوك وتويتر قبل كده و انت لازم بقى تاخد بديل ..
ساعتها هتضطر تحط في حسابات السوشيال ارقام قبل و بعد الاسم .. ارقام مش موجودة في الدومين اصلا
في وقت كان هيبقى شكلها اشيك و بروفيشنال اكثر لو رابط حسابات السوشيال ميديا بنفس اسم موقعك اللي حجزته
في ادوات بيستخدمها بتوع البراندنج في الجزئية دي زي
بتكتب فيها الاسم اللي نفسك فيه
و الموقع بيقولك هو متاح على شبكات ايه .. ومحجوز على شبكات ايه
ولو محجوز على شبكات مش مهمة في دولتك او انت مش هتستخدمها ممكن تتغاضى عن النقطة دي
المهم يكون متاح في الشبكات الأساسية بتاعتنا فيسبوك و تويتر و لينكد ان و انستغرام و هكذا
لا تنافس اسماء براندات كبيرة
يعني مش عشان هتعمل موقع صيانة موبايلات يبقى تحط في الدومين بتاعك اسم شركة موبايلات ..
ممنوع قانونيا
وانت بقيت في مشكلة
و من حقهم يقفلولك الموقع
ويطلبوا غرامة كمان
و السيناريو الأسوأ انك تستخدم اسم براند مشهور في دومين مرتبط بمجال ليس له علاقة باسم البراند اصلا
مثلا انك تعمل موقع تاجير عربيات و تستخدم في الاسم براند قنوات تلفزيونية مثلا
MBC cars . com
او Bein burger . com
يبقى انت استخدمت براند قنوات تلفزيون في مجال سيارات .. ده هيقلل من فرص نجاحك جدا جدا ..
لأانك هتنافس كيان ضخم في نتائج البحث .. و اختلاف المجال هيضرك انت مش هيضره هو ابداً.
لا تستخدم داش – في اسم الدومين
الداش في بعض الاحيان تكون اختيار مغري عندما تكون تريد حجز اسم من كلمتين و تجده محجوز ..
وعند اضافة داش بين الكلمتين تلاقيه متاح .. فتفرح وتشتريه
المشكله هنا ان لو الموقع بدون داش قوي و سمعته جيدة وشغال
فانت دخلت في منافسة ظالمة معاه امام الزائر و امام محرك البحث
لا تستخدم ارقام 007 في الدومين
اضافة ارقام بعد الاسم غير مستحبة لنفس السبب السابق ..
الا في حالة ان الرقم المضاف موجود بالفعل في اسم مشروع من قبل ما تنوي على الموقع و الناس عارفه الاسم بالرقم , في الحالة دي بتدخل تحت نطاق البراندنج و بتعدي .
بالنسبة للاسماء العربية
مواقع كثير بتستخدم اسماء عربية لكن بطبيعة الحال الدومين بيبقى حروفه انجليزي
فبيكتبوا اسم الدومين فرانكوا عرب
لو هتختار اسم عربي اكتبه بالصيغة و ترتيب الحروف الأكثر قبولا وانتشارا
يعني مثلا كلمة يا سلام ممكن ناس تكتبها yasalam ناس تكتبها yaslam
ابحث عن الكلمتين في جوجل و الكلمة صاحبة عدد نتائج البحث الاكثر هي الأفضل
أيضا بعض الأسماء زي احمد .. و عبد الله .. بيتكتب انجليزي باكثر من طريقة
ممكن ahmed او ahmad
نفس القاعدة تطبق هنا .. الا لو عندك هدف براندنج زي ما شرحنا
لو مستعد تتعب اكثر في البحث
ممكن تجرب تستخدم اداة زي ubber suggest او google keyword-planner
في تحديد كمية عمليات البحث اللي بتتم على كلمه معينة انت عايز تستهدفها .. لو لقيت كلمه عليها معدل بحث عالي و متاح انك تضيفها في اسم الدومين .. توكل على الله
ممكن تستخدم مواقع زي flippa , domainauction
عشان تدور على دومينات معروضة للبيع .. ياعات بيبقى فيه فرص كويسة باسعار رخيصة .. بس انتبه لرصيد السبام للدومين قبل الحجز spam score
اخيرا لو بتدور على اسم انجليزي في مواقع زي namestation.com
ممكن تساعدك في اظهار بدائل للاسم اللي بتدور عليه ولقيته محجوز جربها … مش هتخسر حاجة
[bs_smart_list_pack_end][/bs_smart_list_pack_end]
اتمنى اني اكون قدرت اوصل الفكرة كاملة
طبعا هناك قواعد اخرى هتتعلمها بنفسك .. و قواعد بتنطبق على انواع مواقع و انواع تانية ماتنطبقش .. وهكذا
لو عندك نصيحة او تجربه تقدر تضيفها في اختيار اسم الدومين اكتبها في الكومينت كنوع من جمع الآراء لتحقيق اقصى فائدة
