الفكرة باختصار هي عمل مشروع تطبيق Aggregator مصغر يهتم بنيتش واحد فقط.
ما هو الAggregator؟
هو تطبيق موبايل يعمل على الاندرويد و الآيفون يقوم بجمع محتوى من مصادر كثيرة مع بعض.. و عرض المحتوى بطريقة منظمة .. ويتم تحديث المحتوى فيه اوتوماتيكياً.
اشهر مثال ناجح على هذا النوع من التطبيقات هو Feedly
طبعا feedly للناس اللي ما تعرفوش هو اشهر تطبيق يستخدم في قراءة محتويات المدونات المختلفة في العالم عن طريق ال RSS.
حضرتك بتنزل البرنامج و بتختار نوعية المدونات اللي بتحب تتابعها زي مدونات الكورة او مدونات الطبخ او مدونات التكنولوجيا .. وهكذا.
طيب ايه علاقة ده بالمشروع بتاعنا؟
احنا هنعمل مشروع تطبيق مصغر من نفس النوعية لكن بيهتم بمجال واحد فقط.. نيتش واحد فقط.
طيب ايه هي نوعية المصادر اللي البرنامج ده بيقدر يسحبها ؟
1- صفحات الفيسبوك
2- حسابات تويتر
3- حسابات انستغرام
4- قنوات اليوتيوب
5- ساوندكلاود
6- قنوات البث الايف
8- حسابات تمبلر
9- محتوى pintrest
10 – مقالات ووردبريس
11- منتجات من woocommerce
12 – اي محتوى RSS
13 – خاصية Web View لعرض اي صفحة انترنت كانه متصفح.
شوية الكلام اللي فات ده عبارة عن الخطوط العريضة .. لكن اللي ممكن يتعمل بيه اكبر من كده بكثير.. لأانك ممكن تجمع مصادر مع بعض.. و تعمل مشروع تطبيق مميز.
ما هي تكلفة مشروع تطبيق من هذا النوع ؟
1- هتشتري سكريبت التطبيق من CodeCanyon و ثمنه 26 دولار للاندرويد و زيهم للIOS و دول منفصلين.
2- هتحتاج تفتح حساب مطور تطبيقات في متجر جوجل ب 25 دولار.
كيف سنقوم بعمل التطبيق؟ هل يحتاج الى مهارات برمجية ؟
1- بعد شراء السكريبت .. هتفتح السكريبت عن طريق Android Studio و هتعدل فيه بيانات محدده هنشرحها بالتفصيل في الفيديو باذن الله.
2- هتدخل بيانات المصادر اللي انت جمعتها في ملف اعدادات المصادر عن طريق واجهة استخدام بسيطة جدا و معدة لهذا الغرض. , و برضه هشرحة في الفيديو.
3- هترفع التطبيق على متجر جوجل.
4- و تبدأ مرحلة التسويق و نشر البرنامج .. و دي بصراحة مش بتاعتي.
أين الارباح ؟
بمجرد رفع التطبيق ده على متجر جوجل هتقدر تشترك في AdMob و تحط اعلانات جوه التطبيق بتاعك.. و كل ما يزيد عدد المستخدمين هتزيد المشاهدات و تزيد الأرباح.
و الموافقة على Admob سهلة و مش زي Adsense على فكرة.
مش متخيل برضه شكل البرنامج هيكون عامل ازاي؟
تقدر تدخل وتحمل تجربتي الشخصية مع البرنامج .. هي بصراحة تجربة ماكملتهاش بسبب اشغالي بكورس ووردبريس الاحترافي اللي بعمله دلوقتي..
تجربتي الخاصة مع هذا السكريبت هي تطبيق اسمه : طنطا ميكس
تطبيق بيجمع محتوى من صفحات اخبار طنطا على الفيس مع بعض صفحات لمصورين و اخصائيات تجميل من طنطا .
و صفحات السينما و المسارح.. و الصفحات الرسمية مثل صفحة نادي طنطا و كل نتائج البحث من يوتيوب اللي تحتوى كلمة طنطا.
من يريد تجربة تطبيق طنطا ميكس ليتمكن من تقييم السكريبت بنفسه.. استخدم هذا الرابط:
التطبيق سريع جداً و منظم و سيشجع اي شخص مهتم بالنيتش ان يقوم بتحميله و فتح التطبيق كل يوم لمتابعة الجديد من كل المصادر في مكان واحد. يعني الزبون مستمر.
سر النجاح هنا يكمن في نقطتين :
1- قوة المحتوى و المصادر التي قمت بجمعها
2- قدرتك على التسويق
من الافكار اللي ممكن تنظملك تفكيرك :
تطبيق لاخبار النادي الأهلي .. تجميع صفحات شيفات مصر .. تجميع صفحات منطقة جغرافية معينة مثل محافظة او مدينة معينة .
اقترح ان يكون هناك تعاون و مجموعات صغيرة عشان تساعدوا بعض في اختيار المصادر القيمة و اللي هتهم فئة محددة من الناس.
رابط السكريبت من هنا :
https://goo.gl/ayvRs5
في انتظار استفساراتكم
توضيح هام : التطبيق لا يخالف سياسات جوجل المتعلقة باستخدام محتوى غير مملوك لصاحب التطبيق ..و ذلك للاسباب التالية
1 – صفحات الفيسبوك و تويتر و السوشيال ميديا عموماً تعتبر محتوياتها ملكية عامة يحق نشرها و توزيعها ما دام اسم صاحب المصدر مذكوراً.
يمكن مراجعة قوانين الفيسبوك و تويتر و غيرها للتاكد.
2- جميع المحتوى المسحوب يتم نشره تحت اسم مصدره ولا ينسب ابدا لصاحب التطبيق.
3- التفاعل على المحتوى داخل التطبيق هو لايك و شير فقط… و عند استخدام الشير تتم المشاركة بالبوست الرئيسي وليس البوست الموجود في التطبيق.
4- التطبيق يقوم بعرض المحتوى من مصدره مباشرة و لا يقوم بتخزين المحتوى باي شكل من الاشكال.. بمعنى لا يوجد اي قاعدة بيانات في التطبيق.
5- التطبيق لا يسمح بالتعليق على المحتوى من داخله .
و عند الضغط على المحتوى يتم فتح البوست الاصلي في مصدره الأصلي.
6- بالنسبة لل rss , فهي هدفها الاساسي هو متابعة تحديثات المواقع اولا باول.
و هي ايضاً ملكية عامة يسمح باستخدامها على العموم باستثناء المواقع التي تنمع ذلك.
مثال: عندما قمت بعمل تطبيق طنطا ميكس , قمت باضافة rss من موقع olx tanta و ذلك بعد مراجعة سياسة الاستخدام لديهم و التي تنص على السماح بنشر محتوى rss بكامل الحرية ما دام المحتوى سيظل منسوباً ل olx.
7- يوجد تصنيف رسمي داخل متجر جوجل اسمه News Aggregator Apps.
و كلها تطبيقات تعتمد على جلب المحتوى من مصادر مختلفة و كما ذكرت اشهر امثلتها feedly, SmartNews, FlipboardNews Republic, apple news و غيرها الكثير.
8- اخيراً, صفحة التطبيق متوفرة في البوست يمكنكم مراجعتها و ستجدون ان التطبيق تم شراؤه 3000 مرة و لا يوجد عميل واحد اشتكى من اغلاق جوجل لتطبيقه بسبب حقوق المحتوى .
لان التطبيق لن يسمح لك بنسب المحتوى لنفسك.
ممكن تسوي لي واحد مع وضع اعلانات ادموب بكم
للاسف وقتي الحالي لا يسمح ابدأ باستقبال اعمال مستقلة, بلغة انجليزية متوسطة تستطيع تنفيذ البرنامج بنفسك.
فدليل الاستخدام الذي يقدمه المبرمج دسم جدا و فيه كا ما تحتاج اليه و موجه للمبتدئين.